ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᖁᕕᐊᓱᒍᑎᖃᑦᐳᒃ 50−ᖓᓂ ᓇᓪᓕᐅᓐᓂᖅᓯᐅᕐᓂᖓᓂ ᐹᑎᖅᖢᑎᒃ ᐃᖃᓗᖕᓂ
ᐊᕕᒃᑐᖅᓯᒪᓂᐅᔪᒥ ᐃᓄᖕᓄᑦ ᑲᑐᔾᔨᖃᑎᒡᒋᖑᔪᒥ ᓇᓗᓇᐃᖅᓯᕗᑦ ᑎᑭᐅᑎᓯᒪᓂᖓᓂ ᐃᓱᐊᓂ ᐊᕐᕌᒍᑕᒫᒥ ᑕᒪᐃᑎᒍᑦ ᑲᑎᒪᓂᖓᓂ
ᕌᐳᑦ ᒫᒃ ᒧᒥᖃᑎᖃᖅᐳ ᐸᓂᖕᒥᓂ, ᒫᓚ ᒫᒃ, 2, ᑕᐃᑲᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦᑕ 50−ᖓᓂ ᓇᓪᓕᐅᓐᓂᖅᓯᐅᕐᓂᖓᓂ ᖁᕕᐊᓱᒍᑕᐅᔪᒥ ᓇᑲᓱᒃ ᐃᓕᓐᓂᐊᕐᕕᖓᓂ ᐃᖃᓗᖕᓂ ᐅᒃᑐᐱᕆ 10−ᒥ. (ᑎᐊᕆᓐ ᓕᐊᑦᔅ ᐊᔾᔨᖁᑎᖓ)
For English version, see QIA celebrates 50th anniversary with party in Iqaluit
ᐃᒡᓚᕐᓂᖅ, ᐃᕿᑦᑎᓂᕐᓂ, ᑐᓴᕐᓈᕐᓂᖅ, ᐊᒻᒪ ᐱᙳᐊᖅᑎᑦᑎᓂᕐᓂ ᑕᑕᑎᕆᕗᖅ ᓇᑲᓱᒃ ᒥᑭᓐᓂᖅᓴᓄᑦ ᐃᓕᓐᓂᐊᕐᕕᖓᓂ ᐱᙳᐊᕐᕕᖓᓂ ᐃᖃᓗᖕᓂ ᐅᒃᑐᐱᕆ 10−ᒥ, ᕼᐊᓐᓇᓚᖏᓐᓂ ᐃᓄᖕᓂ ᑲᑎᖃᑎᒌᒃᖢᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦᑕ 50−ᖓᓂ ᓇᓪᓕᐅᓐᓂᖅᓯᐅᕐᓂᖓᓂ ᖁᕕᐊᓱᒍᑕᐅᔪᒥ.
ᐋᑦᓴᐃᓐᓇ ᐅᓂᐅᖅᓵᒐᖅ ᐅᑕᖅᑭᕗᖅ ᐃᓯᖅᑎᑦᑎᓇᓱᐊᕐᓂᕐᒧᑦ ᐃᓄᑐᖃᕐᓂ ᐱᙳᐊᕐᓂᐅᔪᒥ ᓇᑲᓱᒃ ᐃᓕᓐᓂᐊᕐᕕᖓᓂ ᐱᙳᐊᕐᕕᖓᓂ ᐃᖃᓗᖕᓂ ᐅᒃᑐᐱᕆ 10−ᒥ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦᑕ 50−ᖓᓐᓂ ᓇᓪᓕᐅᓐᓂᖅᓯᐅᕐᓂᖓᓂ ᖁᕕᐊᓱᒍᑕᐅᔪᒥ . (ᑎᐊᕆᓐ ᓕᐊᑦᔅ ᐊᔾᔨᖁᑎᖓ)
“ᐱᐅᑦᑎᐊᖅᑐᖅ ᑕᑯᓂᕐᒥ ᑭᒃᑯᓕᒫᑦ ᑲᑎᑦᑐᓂ,” ᐅᖃᓚᐅᖅᐳᖅ ᕌᐳᑦ ᒫᒃ, ᕿᑎᐊᓂ ᕿᒡᒋᖅᑕᖅᖢᓂ ᒧᒥᖃᑎᖃᕐᓂᕐᒥ ᐸᓂᖕᒥᓂᒃ, ᒫᓚ ᒫᒃ−ᒥ, 2. “ᐅᓇ ᑕᕝᕙ ᓄᓇᕗᑦ ᑕᐃᒪᐃᑦᑑᕗᖅ — ᓄᓇᓕᐅᔪᒥ.”
ᖃᓄᐃᓐᓂᐅᔪᖅ “ᐊᓕᐊᓇᐃᕐᔪᐊᓚᐅᖅᐳᖅ,” ᐅᖃᓚᐅᖅᐳᖅ ᐋᑦᓴᐃᓐᓇ ᐅᓂᐅᖅᓵᒐᖅ, ᐃᓚᐅᖃᑕᐅᓚᐅᖅᑐᒥ ᐃᓄᑐᖃᕐᓂ ᕼᐋᑭᕐᓂᕐᒧᑦ ᓵᓚᖃᕋᓱᐊᕐᓂᐅᔪᒥ. ᓵᓚᖃᓚᐅᙱᓚᖅ ᓵᓚᖃᐅᓯᐊᕐᒥᒃ, ᑭᓯᐊᓂ ᖁᖓᓐᓂᖓ ᐅᖃᖅᑑᔮᓚᐅᖅᐳᖅ ᓱᖁᑕᐅᙱᓐᓂᖓᓂ.
ᑲᑐᔾᔨᖃᑎᒌᖑᔪᑦ ᐱᓕᕆᐊᖃᓚᐅᖅᐳᑦ ᐊᕐᕌᒍᑕᒫᒥ ᑲᑎᒪᓂᖓᓂ ᑕᐃᑲᓂᓗᒃᑖᖅ ᐱᓇᓱᐊᕈᓯᐅᔪᒥ.
ᑲᑎᒪᔨᐅᔪᑦ ᑲᑎᒪᓚᐅᕆᕗᑦ ᕿᒥᕐᕈᓂᕐᒥ ᐊᒻᒪ ᐊᖏᖅᓯᓂᕐᒥ ᐱᖁᔨᕗᖔᕈᑎᓂ ᐊᒻᒪ ᐊᓯᖏᓐᓂ ᐱᓕᕆᐊᖑᓂᐅᔪᒥ.
ᑲᑎᒪᔩᑦ ᐋᖅᑭᒃᓯᓚᐅᖅᐳᑦ ᑲᑐᔾᔨᖃᑎᒌᖏᓐᓇᕐᓂᕐᒥ 13−ᓂ ᕿᑭᖅᑕᓂ ᓄᓇᓕᐅᔪᓂ ᓇᓗᓇᐃᖅᓯᓂᕐᒥ ᐊᖑᓇᓱᖕᓂᕐᒧᑦ ᐃᑲᔪᖅᓱᐃᓂᐅᔪᒥ ᑐᓂᕐᕈᑏᑦ ᐋᖅᑭᐅᒪᑎᑦᑎᓂᖓᓂ ᑕᐅᑐᒃᑕᑐᐊᖃᑲᐃᓐᓇᕐᓂᖓᓂ ᐃᑲᔪᖅᓱᐃᓂᕐᒥ ᐊᕐᓇᓂᑦ ᐊᒻᒪ ᒪᒃᑯᒃᑐᓂ, ᐊᒻᒪᓗᑦᑕᐅᖅ ᓄᓇᓖᑦ ᐃᓗᐊᓂ ᐃᓕᑦᑎᓂᕐᒧᑦ ᐱᒋᐊᕈᑕᐅᔪᓂ.
ᒥᐊᕆ ᐃᑦᑐᐊᑦᓯᐊᖅ ᐃᙱᕈᑎᒥᒃ ᐱᙳᐊᖅᐳᖅ ᓄᐊᐸᑦ ᐳᐊᐃᑐᕋᔅ ᐊᓇᐅᓚᖦᖢᓂ ᖁᙱᐊᕐᕕᖕᒥ ᓇᑲᓱᒃ ᒥᑭᓐᓂᖅᓴᓄᑦ ᐃᓕᓐᓂᐊᕐᕕᖓᓂ ᐱᙳᐊᕐᕕᖓᓂ ᐅᒃᑐᐱᕆ 10−ᒥ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦᑕ 50−ᖓᓂ ᓇᓪᓕᐅᓐᓂᖅᓯᐅᕐᓂᖓᓂ ᖁᕕᐊᓱᒍᑕᐅᔪᒥ . (ᑎᐊᕆᓐ ᓕᐊᑦᔅ ᐊᔾᔨᖁᑎᖓ)
ᐃᓚᖏᑦ ᑲᑎᒪᔨᕋᓛᓂ ᐃᓄᖃᙱᓐᓂᐅᔪᓂ ᐃᓗᓪᓕᖅᑕᐅᓚᐅᖅᐳᑦ, ᐃᓚᖃᖅᑐᒥ ᑎᒃᑯᐊᖅᑕᐅᓂᖓᓂ ᐱᓕ ᐃᑦᑐᐊᙵᒥ ᐸᖕᓂᖅᑑᕐᒥᐅᑕᖅ ᑲᑐᔾᔨᖃᑎᒌᖑᔪᓄᑦ ᐃᓱᒻᒥᖅᑐᐃᔨᐅᔪᓄᑦ ᑲᑎᒪᔨᕋᓛᖏᓐᓄᑦ.
“ᐅᐱᒍᓱᒡᔪᐊᖅᐳᒍᑦ ᐱᓇᓱᐊᖅᑕᖓᓂ ᐃᓄᖕᓂ ᐱᒋᐊᖅᑎᑦᑎᓚᐅᖅᑐᓂ ᑲᑐᔾᔨᖃᑎᒌᖑᔪᒥ. ᐅᕙᐅᓕᖅᐳᒍᑦ ᖁᕕᐊᓱᒍᑎᖃᕐᓂᑦᑎᓐᓂ ᐊᕐᕌᒍᑦ 50−ᓂ ᑭᖑᓂᐊᒍᑦ,” ᐅᖃᓚᐅᖅᐳᖅ ᐊᖓᔪᖅᑳᖅ ᐅᓛᔪᒃ ᐊᑭᓱᒃ. “ᖁᕕᐊᓱᒍᑎᒋᓂᐊᖅᐸᕗᑦ ᐊᑐᓂ ᓄᓇᓕᐅᔪᓂ.”
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᑕᐅᓯᐅᕗᖅ ᐱᖓᓱᓂ ᓇᓗᓇᐃᖅᑕᐅᓯᒪᔪᓂ ᐃᓄᖕᓂ ᑲᑐᔾᔨᖃᑎᒌᖑᔪᓂ ᐅᕘᓇ ᓄᓇᕗᒻᒥ ᐊᖏᕈᑎᒥᒃ, ᑭᒡᒐᖅᑐᐃᓪᓗᓂ 51 ᐳᓴᓐᑎᒥ ᐃᓄᖕᓂ ᓄᓇᖃᖅᑐᓂ ᓄᓇᕗᒻᒥ.
Assuru